Priča o muki jezste priča o človekovu živlenju.
Veli
se vu jednome pšalmu da kaj je človek da ga se Bog zmisli, misleči da Bog navek
na človeka misli i da mu je on na umu i na serdcu. No mi pak rad govorimo,
bolše rečeno, pripovedamo - žlabramo! - gde je Bog v muki i nevole našoj?
Ispada kakti da ga ni tu, nijema ga vu muki i zlu, kaj onda znači da Bog ne
misli vazda vezda na nas. Al Bog je on koji je i nebre ne biti a da ga i v muki
ni. Ak i tam ni-je, onda praf ni ni Bog. Velim, tam je, v muki prebiva.
Stvar
je muke da se zlo na nas zruši, a zlu dobra fali. Rađe, Dobro se vu muki skriva
i kak gotovo sigde, stiha prebiva - kak potok. Bog se nikud ne rivlje niti
nameče, već tam ide, kak i potok, gde ga zemla pusti. Strpljivo se probija v
svojoj snagi koja je čistam ljubav. A kak znamo da je od zemle človek
napravljeni, gda ona omehkša vu slobodne svoje odluke, tam ti tak i Bog zajde.
K
tome, muka nas pošteno stisne i to kakti preša - vu naše suštine stišče da z nas
zijde sav sok, sladki ili kisli - najbolši ili najgorši - da mi damo najbolše
ili najgorše od sebe samih. Nu, to ovisi kak smo mislili, delali, osečali, kak
smo, bukvalne, dali se, otprli i zreli na solncu. Jednostavno govoreči, smo znali
preživati i uživati na solncu? Jer to znači kakti zajti vu samu srž života,
značilo bi otrpti se dobru života kaj se kak solnce daje, nuka i nudi. I kakev
život smo meli, tak bumo i muku podnesli - bila ona menje il bole hujša.
Vsi
kad-tad, ovak il onak, menje il više završimo na nekih mukah. Sam mora nam v
glavu dojti da muka z nas zvlači ili ono najgorše ili ono najbolše. Zato v sakoj
muki treba se k Bogu vu sebi privleči i naj od nj bežati! Zakrij se pri Bogu i
z njimi naprej od staroga sebe idi. Kad-tad buš našel potek smisla - najfinejše
vino - kojeg si ne daješ sam od sebe. A kakvo grojzdej, takev i sok - moš. A
kakev mošta, takvo bu, na koncu, i vino.
